سلامات ياحبايب ...ياحبايب سلامات

سلامات ياحبايب ...ياحبايب سلامات ...
سلامات ..سلامات يابلدي ...سلامات ياحضن بلدي
سلامات يا أهل بلدي ....
ياحبايب سلامات ...
عديت بحر الليالي ...ونزلت مية مدنية ..
لقيت الشوق لبلدي ...سابقني في كل مينا ...
سافرت بلاد بعاد ...وبلاد ..غير البلاد ...
وقلبي هو ...هو ...مش قادر عل البعاد ...!!
ياغربة دوبيني ...يا إما ترجعيني ...!!
وتروحيني بلدي ...أنام في حضن بلدي ...
وأقول لأهل بلدي ...

 
سلامات ..سلامات يابلدي ...سلامات ياحضن بلدي
سلامات يا أهل بلدي ....
ياحبايب سلامات ...
صورة بلدي وحبايبي ...مرسومة جوا ....مواويل ....مواويل ...
مواويل ....تحت شجرة توت في ضلاية ..
سواقي تدور تخلي الشمس ورداية ....!!
وصبية تملى زلعتها وبتقول شيلها ويايا ....!!
ويايا ...ويايا ...
مُشتاق يا أحباب ....مُشتاق ...وتعبت من الأشواق ...
الله يجازيكي ياغربة ...الله يجازيك يافارق ...
خدتني من أهلي وناسي ...وسقتيني كاسي القاسي ...المُر اللي ماينداق ...!!
ياغربة دوبيني ...يا إما ترجعيني ...
وتروحيني بلدي ...
أنام في حضن بلدي ...
وأقول لأهل بلدي ...
سلامات ..سلامات يابلدي ...سلامات ياحضن بلدي
سلامات يا أهل بلدي ....
ياحبايب سلامات ...
وحشاني مصر.. أم القناطر والنخيل والنيل وأحلى الذكريات
أم الأغاني الحلوه لليل والقمر والنسمه..وخدود البنات ..
بلدي وسمارها على جبيني.... بيصحي الشوق ويصحيني
ولاغير ميتها بترويني... ولا غير نسمتها بتحييني...
ياأحلى ليله بيضا ياصحبة ورد بيضا
ياشمعة فرح بيضا وغنوة حب بيضا
قلبي حمامه بيضا بترفرف عالحبايب وبتحضن الحبايب
وتقول سلامات يابلدي ...سلامات ياحضن بلدي
سلامات ياأهل بلدي... ياحبايب سلامات
ياحبايب سلامات ...

https://www.youtube.com/watch?feature=player_detailpage&v=En_hOShgS20