وانت عني بعيد

وانت عني بعيد، قلبى عني بعيد
والجراح بتزيد كل يوم ياحبيبي
كل يوم بتألم حتى يوم العيد


حبيبى فين أيامي معاك
فين انتظاري مواعيدك
ولهفتي وانا بستناك
و فرحتى وإيدي في ايدك
فين حبنا وحكايات لياليه
فين اللي كنا بنغنيه
فين عشنا اللي بقالنا زمان بنبنيه ونحلم بيه
راح دا كله بعيد، وانت عنى بعيد
والجراح بتزيد كل يوم ياحبيبى
كل يوم بتألم حتى يوم العيد
***
حبيبى، روحى، عينيا.. كلمنى رد عليا
خلينى بس اشوفك وارد روحى شوية
خلينى بس اشوفك وارجع لظلمك فيا
حبيبي مش قادر اسيبك
حبيبي طل على حبيبك
من بعيد لبعيد وانت عنى بعيد
والجراح بتزيد كل يوم ياحبيبى
كل يوم بتألم حتى يوم العيد

 كلمات الشاعر مرسي جميل عزيز ـ الحان محمد الموجي

https://www.youtube.com/watch?v=2Lpcdb2aXxg