ولدى اوصيك يا ولدى

ولدى يا ولدى
ولدى يا سترى وغطايا
وحتة من كبدى
ولدى اوصيك يا ولدى
يا نن عينى و ضنايا
وسنــــــــــــــــدى

 

ابنى على التقوى يقوى كل شئ تبنيه
واشكر لربك يزيدك كل ما تدعيه
تبلغ مرادك بإذن الله يا ولدى

ضحيت عشانك يا ابنى واقول ربيت
وألقاك معايا سند فى البيت وبرة البيت
مشوار سنينى سقانى الهم وحانانى
واتحمل المر واديك حبى وحنانى
علشان تكون اللى بتمناه
ولدى اوصيك يا ولدى ولدى اوصيك يا ولدى

الدنيا طريقين وحيتانهم طريق واحد
بالعرض بالطول هتمشى وانت بتشاهد
بالحب الخير باامانة تمشى مشوارك
يرتاح ضميرك وتبقى كل دار دارك
واللى هداه ربنا يمشى فى طريق واحد
ولدى اوصيك يا ولدى .. 
ولدى اوصيك يا ولدى

 https://www.youtube.com/watch?feature=player_detailpage&v=rO9GvGss-RQ