أنا عايز صبية

أنا عايز صبية
يكون قلبها علي
ترسمي لي علي الطاقية
قلب و يمامة و دار

تمسح دمعة بكايا
و رموشها تكون غطايا
و إن طال الليل معايا
كلمتها تكون نهار

 
يبقي لنا بيت صغير
و قمر أخضر ينور
ولد دايما يدور
عن حاجة يهشها
و هي تتدخل و تتطلع
تتكلم قلبي يسمع
أتكلم هي تسمع
و تحب عشها
لو حتي مفيش فطار
أجي في المغربية
تجري من الدارعلي
تاخدني من أيديا
و نتعشي سوا
نتكلم في اللي فات
و في اليوم اللي أت
ينيمنا السكات
و يصحينا الهوي
و لينا ألف جار

كلمات: عبد الرحمن الأبنودي
ألحان: ابراهيم رجب

https://www.youtube.com/watch?v=LxU0lyjjwgs